بحـث
المواضيع الأخيرة
منتدى
مـش عــارف أنـت بـتـكـلم مـيــن ؟؟
2 مشترك
صفحة 1 من اصل 1
مـش عــارف أنـت بـتـكـلم مـيــن ؟؟
جـمـلـة بـنـسمعها مـن نــاس كـتـيـر الـنهـاردة بـقـت عـلـى لـسـان اكـتـر مـن حـد. أي حـد عـايـز يـخـوف حـد يـقـولها والكلام ده في كـل دولـنـا الـعـربـيـة .مـش عـارف هو احـنـا ماشيـيـن عـلى الـمـثـل الـمصري الي بـيـقـول( خـدوهـم بـالـصوت قبل مايغلبوكم ) .
يـعـني مـثـلا بـنـت رايـحـة مـصلحة حكومية تخلص ورق تدخل لبـس وشعر ومكياج وبـرفان ريحـتـه تـشمـها من على بعد ثلاث شوارع ونضارة شمس لزوم المنظرة بقى ومستعجلة ولا عايزة تسـتـنى ولا تـقـف تروح تكلم الموظف تقوله عايزة اخلص الورق ده يقولها لما يجي دورك يا انسة تـرد تـقـولـه أنـت مش عارف انـت بـتـكـلم مـيـن وتـزعـق وتعلي صوتها وتطلع الموبايل وتتصل تقول للشخص الي بتكلمه الي حصل على انها بتـكـلم وزير الداخلية مثلا وتلاقيها بتكلم واحد صاحبها بس الموظف غـلبـان وبياخد مرتب صغير يخاف على شغله واكل عيشه ويلم الدور زي مابيقولوا ويعتذرلها ويفضل يتأسف ويجيب كرسي ويقعدها ويجيب لها حاجة تشربها ويروح هو يخلص لها ورقها وتمشي .
وتلاقي مثلا شاب من شـبـاب الـيومـيـن دول ماطلعش من الـبـيـضة ماشي بـعـربـيـته قـصدي العربية الي ماما جـايـبـهاله نـنـوس عين أمه ماهو ومشغل الكاسيت فـاكـر نفسه في فرح حضرته وماشي في الشارع ولا على بـالـه وياريت بعد ده كله مـنـتـبـه للطريق كمان بيكلم في صاحبه الي جنبه وفجأة يعمل حادثة ويخبط حد قدامه ينزل صاحبنا وقال ايه يتخانق مع صاحب العربية الي قدام مع انه هو الي غلطان وتـتـلم الناس ويجي ضابط المرور يقوله رخصك يقوله نعم أنت مش عارف انت بتكلم مين دلوقتي تعرف ويتصل بحد وبعدين يقوله كلم شوية وتلاقي ضابط المرور بيقوله تعليمات سيادتك يافندم ويخلي الشاب يمشي بدون مايعمل له اي حاجة وكمان يعمل مخالفة للراجل الي قدام . ومواقف زي كده كتير بقى لو فضلت اكتب مش هتخلص.
بصراحة مش عارف! حاجة تجنن بس العيب مش على الشباب الي بيستغلوا مناصب ابائهم لوحدهم كمان العيب على الاباء الي بيستغلوا مناصبهم ودي المصيبة . المفروض الغلطان يتحاسب وكل حاجة تمشي بـنـظام بس للاسف مفيش حاجة من دي بتحصل وعلى فكرة مش بس الـنـاس الـي لها مناصب بـيـقـولوا الجملة دي اي حد بقي يقولها طالما بتحقق الهدف منها وبتخوف بعض الناس.
بـتـقـول ايـه انـا سمـعـتـك الـمـقـال طـويـل ومـمـل وانـا مـابـعـرفـش اكـتـب ازاي تـقـول الـكـلام ده أنت مش عارف بتكلم مين !!!!!!!!!!!
كــاتـــب
على ماتفرج
sameh- جامد
- عدد المساهمات : 237
تاريخ التسجيل : 06/04/2010
الموقع : http://elhaih haloa.mountada.com
رد: مـش عــارف أنـت بـتـكـلم مـيــن ؟؟
سامح انت مش عارف بتكلم مين!!!!!!!!
ليش بتقول المقال طويل
ياريت تكتب دايما
لانك بتحط ايدك ع الجرح متل ما بقولوا
بصراحة معك حق
سلمت يداك
ليش بتقول المقال طويل
ياريت تكتب دايما
لانك بتحط ايدك ع الجرح متل ما بقولوا
بصراحة معك حق
سلمت يداك
????- زائر
رد: مـش عــارف أنـت بـتـكـلم مـيــن ؟؟
اه صح يا ســـــامح انت مش عارف انت بتكلم مين !!! وليه صحيح بتقول ان المقال طويل بالعكس والله جميل جدااااا ياريت تكتب دايما وفعلا ده اللي بيحصل وياريت تمتعنا بمقالاتك دايما وفي انتظار جديدك دمت متألق والي الامام دائماااااااا تقبل تحيااااااااااااااااتي
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الخميس أكتوبر 16, 2014 2:47 pm من طرف عبده الطوخى
» بحبك يا مصر ... وبعشق ترابك
الثلاثاء نوفمبر 01, 2011 12:54 pm من طرف hana
» الحلقة التاسعة من يوميات شاب عادي
الأربعاء مارس 23, 2011 3:38 pm من طرف semsema
» طريقة الكشري المصري بس جااااااااااااااااااامدة
الخميس مارس 17, 2011 2:23 pm من طرف semsema
» فساتين زفاف2011 رائعة
السبت فبراير 26, 2011 10:59 am من طرف شمس
» اشتقت اليــــــــــك حبيبـــــــــــــــي
الأربعاء فبراير 23, 2011 5:31 pm من طرف semsema
» أحبـــــــــــك يا أعـــــز انســـــان
الثلاثاء فبراير 22, 2011 5:45 pm من طرف semsema
» اعترافات قلب مجروح !!!
الأحد فبراير 13, 2011 1:16 pm من طرف semsema
» أنت الان في المسجد الاقصى
الأحد فبراير 06, 2011 8:33 am من طرف شمس