نكت سياسية

من طرف **رامي** الجمعة مايو 07, 2010 10:44 pm

بسم الله

بيقولوا للريس قبل الانتخابات "انت مش هاتودع الشعب وللا ايه؟"
قاللهم "ليه هو الشعب رايح فين؟

موظف راح يدى صوته فى الانتخابات فاختار لا
وهو مروح قابل واحد صاحبه فسألو عملت ايه ؟
قاله علمت على لا
لطم صاحبه وقاله روحت فى شربة ميه
فسأله الموظف ايه الحل ؟
قاله ارجع بسرعه وصلح اللى كتبته واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لامسكه رئيس اللجنة من ودنه وقاله
احنا صلحناه لك اوعى تعمل كده تانى

واحد شغال فى فرز اللجان الإنتخابية...فواحد صاحبه بيسأله : بقى معقول انتوا بتقعدوا تفرزوا الأصوات دى كلها؟؟؟؟؟؟؟؟؟؟؟
قال له : ولا بنفرز ولا حاجة...التعليمات واضحة وصريحة...احنا نرمى الورقة بتاعة الناخب فى الهوا...ولو نزلت على وشها أو ضهرها يبقى وطنى...ولو على سنها يبقى معارض

بلدياتنا نجح في انتخابات مجلس الشعب, ففي اول جلسة قاعد جنب واحد افندى فالأفندى عزم عليه بسيجارة مارلبورو, وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا

مره توني بلير و بوش و حسني مبارك عمله ماتش كوره
و همه بيلعبوا الكره وقعت في بحيره مليانه تماسح مفترسه
توني بلير امر واحد من الحرس بتوعوه انه ينزل يجيب الكره من البحيره
الحرس قال له ماينفعش انزل علشان انا عندي ولاد و عايز اعيش و اربيهم
قام بوش امر واحد من الحرس بتوعه انه ينزل يجيب الكره من البحيره
برده اعترض و قاله ماينفعش انزل علشان عندي ولاد وعايز اعيش و اربيهم
قام حسني مبارك امر واحد من الحرس بتوعه انه ينزل يجيب الكره من البحيره....
العسكري مكدبش خبر راح قالع هدومه و نازل البحيره و فضل يصارع التماسيح و التماسح اكلت اديه و رجليه بس بعد كل ده جاب الكره
فبيسألوه انت ليه نزلت مع انك عارف ان البحيره مليانه تماسيح مفترسه
قلهم انا برضه عندي عيال و عايز اعيش و اربيهم

دول شويه نكت تودى فى داهيه وربنا يستر

وصل جمال مبارك الي سؤال المليون في البرنامج الشهير ووصل الي السؤال الاخير وقال له مقدم البرنامج

امامك الاستعانه بصديق او حذف اجابتين فقال جمال استعين ب علاء اخي
فقال جمال لعلاء من هو اكبر فاسد في مصر؟ فقال له علاء اضمن النصف مليون وبلاش تخسر ابوك

قابل الرئيس احد شباب الجامعات فسأله تحب تطلع ايه يابني فقال وزير فقال الرئيس انتا عبيط يابني فرد عليه الشاب إيه ده هو شرط

سأل مبارك نظيف كيف حال اشعب بعد ما غلينا الشعب نظيف ... ياريس بيأكل زفت فرد عليه غلوووووووا الزفت

مره حسني مبارك كان مسافر مع مراته وابنه لما الطياره طلعت من المطار حب يرمي من الشباك جنيه عشان يفرح اللي بيلاقيه مراته قالتله ارمي نصين بتفرح اتنين وابنه قاله ارمي اربع ترباع بتفرح اربعه فرد عليه الكابتن
ارمي نفسك ياريس بتفرح سبعين مليون

ان تعطي ابنك موبايل فانت لطيف وان تعطي ابنك سياره انت كريم وان تعطي ابنك بلد وشعبا يلعب بها فانت مبارك

رساله للريس

بعد التحيه وبعد السلام
ازيك ياريس وازي المدام
ازيك كده وازاي العيال

وايه اخبار الواد جمال

هتمسكو امتي الرئاسه

الواد ياعم خلاص كبر

مسكهالو في الخباثه واوعي الشعب يا خد خبر

يارب تعجبكم اذا ما دخلتش المنتدي لمدة اسبوع اعرفو اني في المعتقل

من طرف **semsema** الجمعة مايو 07, 2010 11:11 pm

هههههههههههههههههههههههههههه

نكت حلووووووووووووووووووووة

بس هتودينا في داهية

شكرااااااااااااا علي النكت بجد جميلة

تقبل تحياتي

من طرف **رامي** السبت مايو 08, 2010 2:59 am

بسم الله

مش عارف ليه يا اسماء انتي بتبشرني بالخير قولي يا رب حرام عليكي انا لسه صغير وعندي امل اتجوز اتقي الله فيا كل ما كتب
هتودينا في داهية
هتودينا في داهيه
ومين قالك اني هروح لوحدي هو المنتدي بتاعي دانا مجرد مشترك فيه انما الاصل بتاعك انتي بس ابقي طمنني عليكي لوحد كلمك قوللهم رامي بس
شوفي ايه اللي هيحصل
وتقبلي من عظيم الشكر وفائق الاحترام
وتحياتي لمن ملكة حياتي

من طرف **sameh** السبت مايو 08, 2010 6:56 am

لا اسمع لا أرى لا اتكلم
انا مش هعلق ياعم رامي علي انت قولته فوق ده
انا معرفوش يابيه
ولا عمري شفته بريء يابيه

المشكلة مش عارف اقولك بالتوفيق لان كده يبقى انا رايح معاك في داهية تحريض بقى

اقولك بالتوفيق والى الامام ومش مهم الي يحصل بعد كده
بس وصيتك أم العيال

نكت سياسية

نكت سياسية

رد: نكت سياسية

رد

هههههههههههههههههههههههههههههههههههههههههههه