قصيدة شكرا يا ريس

من طرف **رامي** الجمعة مايو 07, 2010 9:56 pm

بسم الله

بعد التحية وبعد السلام
أزيك يا ريس وأزى المدام وقبل ما أنسى أنا بشكرك عشان يعنى بتسأل علينا ربنا ياريس يقدرك ويخليك كمان لينا شكرا يا ريس على كل حال الشعب كويس وفل وعال العال 00 الشعب وأكل معندهوش مشاكل والشباب شغال واللى يقولك فيه بطالة والمواصلات مش شغالة والحكومة بقى حالها زبالة ولازم تتشال 00 أبعتله ولاد الحلا من قفاه هيشحنوه وهيكرموه ويشغلوه فى أبو زعبل يهد جبال 00ماهو أحسن من قعدة القهاوى ويقعد يقول كوسة ورشاوى ويقول عليك ياريس كلام بطال0
وفى الختام من السلام لبطلنا الهمام بطل الوعود وكتر الكلام وأدى القصيدة أنا مش بخاف وهأفضل اقول كلمة الحق أنا عليها مسئول 00 أن الريس راجل طيب وبشعبه دايما مشغول 000 مشغول أنه يلم فلوسنا برة فى سويسرا يحوشهلنا وفى حسابات سرية يشيلهلنا نفسه يأمن مستقبلنا 00 شوفتوا أزاى بقه قلبه رحيم وعنده إيمان وضميره سليم 00 بيجوعكوا لآجل تخسوا اّه يا شعب محتاج رجيم 00 من جهلكوا بتقولوا بطالة وأن الاحوال مش شغالة 00 ده راجل نفسه يريحكوا هى الراحة تبقى عوالة 00 أما حكاية المنتجعات اللى بتسموها معتقلات ليه الظن وسؤء النية ده نفسه يفسحكوا يابهوات 00 أما الكراسى واللى أتقال ده كلام مش محتاج لسؤال [الغلطة دى غلطتنا أحنا أحنا اللى مجبناش كراسى تقال 00 والله أنتوا ظلمين الراجل ضيع عمره ومين يستاهل حتى الاكل بيكلوا بدلنا طالع واكل نازل واكل بقه بعد ده كله ماله الريس؟؟؟؟]طبعا أنتوا عارفين من غير ماهأقول أصل اللى جوانا أكبر من الكلام وخلص الكلام ومعدش له لازمة وتعبنا من اللى بيحصل فينا وحولينا والباقى أنتوا عارفينه يا ناس

قصيدة شكرا يا ريس Icon_exclaim

الله يسامحك

من طرف **semsema** الجمعة مايو 07, 2010 11:38 pm

والله هتودينا في داهية

بس حلوة والله القصيدة

وشكرا والي الامام دائماااااا

تقبل تحياتي

من طرف **رامي** السبت مايو 08, 2010 2:50 am

بسم الله

الامام مين بقا دانا خايف بكره مكلش في بيتنا ونام في ابو زعبل وهد جبال يهلوي وبتقوللي الي الامام نا خايف امشي الي الامام بقفاي من كتر الضرب الي هاكله
وتحياتي لمن ملكة حياتي

قصيدة شكرا يا ريس

قصيدة شكرا يا ريس

رد: قصيدة شكرا يا ريس

رد