طريقة الكشري المصري بس جااااااااااااااااااامدة

من طرف **semsema** الخميس مارس 17, 2011 2:23 pm

انا هقولكم الطريقة اللي بعمل بيها الكشري انا مخترعاها بس جامدة اوي وبيطلع الكشري في الاخر جناااااااااااااااااان ولو جربتوها صدقوني هتحبوها اوي يلا خليكو معايا وركزوا .........
.
.
.

اولا المقادير :

نص كيلو مكرونة عادية ونص اسباكتي
ربع كيلو عدس ( بجبة / اسمر يعني )
ربع كيلو كبدة ( فراخ )
نص كيلو ارز
كام بصلة كده ( 5 ) مثلا
نص كيلو طماطم ( للصلصة )
ملح - فلفل - شطة - توابل - زيت
ليمون وخل وتوم وشطة ( للدقة )
لسان عصفور ( تبع المزاج ... براحتك يعني )

نيجي للطريقة
.
.
.

ركزوا معايا

اول حاجة نجيب العدس وطبعا قبليها بيبقا منقوع في المايه بحوالي 3 ساعات كده او براحتك يعني المهم يبقا منقوع قبليها بشويا وتحطيه ع النار لحد مايستوي وبعدين بتصفيه ومترميش الماية بتاعته هنحتاجها ...... هتقوليلي ليه هقولك اصبري .........

هتجيبي المايه بتاعت العدس دي وتحطيها في الحله اللي بتطبخي فيها الارز وهتحطي فيها ملح وشطه وشويه توابل

طبعا هتبقي محضرة الارز زي مقولتلك في المقادير هتغسليه كويس وهتحطيه في المايه بتاعت العدس ........ لو عاوزة ممكن تحمري شويا لسان عصفور وتحطيهم ع الارز وهو بيستوي لو مش عاوزة براحتك بس بيبقا حلو اوي ....... هتسيبي الارز يستوي ...... بس اوعي تسيبيه يتحرق ههههههههههه ابقي قلبيه كل شويا كده

هنيجي للمكرونة هتسلقيها طبعا مش محتاجة كلام ... يعني اقل من 5 دقايق ع النار وبتنزليها تسيبيها في الحلة شويا يعني 5 دقايق كمان او اقل تبع لما تلاقيها استوت وهتحطيها في المصفاه وسيبيها .....

هتيجي طبعا ياستي تعصري الطماطم ... وتحطي عليها ملح وشطة وفلفل وتوابل ... وتحطيها في طاسة ع النار وتعمليها صلصه

نيجي ع الكبده ...... انا بعمله بكبده بصراحة بيبقا دمار جربي مش هتندمي
هتيجيبي كام بصلة كده يعني 2 ، 3 و تخرطيهم ناعم وتحطي زيت علي البصل في طاسة ع النار وقلبيها كده شويا وبعد كده هتكوني محضرة الكبده طبعا وتكوني مقطعاها مربعات صغيرة ... وبعدين حطيها ع البصل وحطي عليها ملح وفلفل وقلبيها شويا ولو حسيتي انها ممكن تتحرق حطي عليه نص كوبايه ماية وسيبيها لحد لما تستوي ..........
.
.
.

معلش هتتعبي بس استحملي لانه هيبقا في الاخر طعمه خطيييييييييييييير
.
.
المهم هتجيبي الكبدة بعد مااستوت وهتحطيها ع الارز طبعا لما تحسي انو خلاص فاضلو 10 دقايق كده ويبقا مستوي وحطي الكبدة ع الارز وسيبيها 10 دقايق وطفي ع الارز ....

طبعا هتكوني محضرة كام بصلة كده ومقطعاهم ناعم وحمريهم في زيت

كده تمام مش فاضل غير الدقة طبعا تحضيرها سهل
.
.
.
نيجي للتقديم

علشان يكون الطبق شكلو مغري كده
.
.
.
حطي الاول المكرونة وحطي شويا صلصة وقلبيها وجيبي الارز بالكبدة وحطي شويا وشويا عدس وبعدين شويا بصل وبعدين شويا صلصة تاني في الاخر والدقة

.
.
.
.
.

وبالف هنـــــــــــــــــــــا

يارب طريقتي في الكشري تعجبكم

لو جربتوها وعجبتكم اكيد ان شاء الله هتعجبكم وهتتبسطوا منها ابقو كلوا و ادعوووووووووووووووووولي

عمايل اديا وحياة عنيا

semsema